Frumvarp um Hvammsvirkjun er brot á stjórnarskrárvörðum
rétti borgaranna og gengur gegn vatnatilskipun ESB
Þetta kemur fram í lögfræðiáliti sem fimmtán náttúruverndarsamtök létu vinna fyrir sig á nýframkomnu frumvarpi umhverfis-, orku- og loftslagsráðherra sem snýr að breytingum á raforkulögum og lögum um stjórn vatnamála.
Sjá nánari umfjöllun á síðu Landverndar
Það er varhugavert fordæmi ef frumvarp um Hvammsvirkjun verður afgreitt á Alþingi óbreytt. Verja verður stjórnarskrárvarðan rétt Íslendinga og vatnsauðlindina sjálfa. Ungir umhverfissinnar lýsa miklum áhyggjum yfir því að með frumvarpinu sé hart sé gengið gegn Árósarsamningnum sem tryggir aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum.
„Árósasamningurinn er ný tegund samnings um umhverfismál. Hann tengir saman umhverfisrétt og mannréttindi. Þar er viðurkennt að menn hafi skyldum að gegna gagnvart komandi kynslóðum. Samningurinn staðfestir að sjálfbærri þróun verður ekki náð án aðildar allra hagsmunaaðila og tengir saman ábyrgð stjórnvalda og umhverfisvernd.“
- af síðu Alþingis, Þskj. 1195 — 678. mál.
Eftirtalin umhverfisverndarsamtök mótmæla harðlega framlagningu frumvarpsins og skora á umhverfis- og samgöngunefnd Alþingis, sem og þingmenn alla að láta frumvarpið ekki fram ganga í óbreyttri mynd.
Ungir umhverfissinnar
Landvernd
Náttúruverndarsamtök Íslands
Náttúrugrið
Verndarsjóður villtra laxastofna
Vinir Þjórsárvera
Íslenski náttúruverndarsjóðurinn
Fjöregg, félag um náttúruvernd og heilbrigt umhverfi í Mývatnssveit
Fyrir vatnið
Náttúruverndarsamtök Suðurlands
Eldvötn í Skaftafellssýslu
Samtök um náttúruvernd á Norðurlandi
Náttúruverndarsamtök Austurlands
Náttúruverndarsamtökin Hraunavinir
Náttúruverndarsamtök Suðvesturlands
Verndarfélag Svartár og Suðurár
Samtök um vernd í og við Skjálfanda
Forsíðumynd er fengin í láni af síðu Náttúrugriða við frétt um Hvammsvirkjun
Comments