Breytingar á stjórn UU

Kæru Ungu umhverfissinnar, 

Nú eru breytingar framundan í stjórn félagsins sem okkur langar að kynna fyrir ykkur. Frá og með deginum í dag (25. október) mun Finnur Ricart Andrason ljúka störfum sínum sem forseti UU og fara í önnur verkefni eftir þriggja og hálfs árs setu í stjórn félagsins, fyrst sem loftslagsfulltrúi og síðan sem forseti UU.

Viljum við þakka honum innilega fyrir hans ótæmandi elju í dyggð við störf sín í þágu félagsins og umhverfisins á þessum árum. Hans verður sárt saknað.

Varaforseti félagsins, Snorri Hallgrímsson, tekur því við hlutverki forseta UU frá og með deginum í dag og mun stjórnin taka ákvörðun um framhaldið á næstu vikum.

Kveðja,

Stjórn UU